كشفت الفنانة هنا الزاهد للمرة الأولى عن تفاصيل انفصالها عن الفنان أحمد فهمي، وكيف تمكنت من تخطي تلك اللحظات الصعبة بمساعدة أهلها..هنا الزاهد و أحمد فهمي
حيث ذكرت الفنانة هنا الزاهد خلال لقائها مع الفنانة إسعاد يونس في برنامج “صاحبة السعادة” المذاع عبر قناة dmc: “أنا قلت أول ما يحصل ده هتضايق وأغضب، لكن منزلتش دمعة واحدة بعد الانفصال عارفة لما تحسي موضوع انتهى وبقى حاجة قديمة ”
واضافت ايضا: “كنت عمرى ما اتخيل حاجة اسمها طلاق وربنا كان عارف أنى مش مؤهلة لحاجة زي دي، وسهلها عليا والموضوع حصل بالتدريج خلال 8 شهور”.
وتابعت: “لو رجع بيا الزمن هخوض التجربة تاني، عشان أنا مكنتش هتعلم غير لما اتخبط جامد عشان أركز في اختياراتي بعد كده، ولكن مش أي حد نصدقة وندخله بيتنا وحياتنا، ومنزلتش دمعة بعد انفصالي وركزت مع نفسي، وقررت أشفى هنا من كل حاجة واتخطيت وكنت راضية جدا”.
وأضافت: “عايزة أقول لأي بنت بتمر بحاجة زي كده أهم حاجة متبقيش لوحدك، خليكي مع عيلتك لإن عيلتك هتديكي الدعم، وأول ما حصل كده روحت علطول لعيلتي عند أمي وإخواتي وبقيت وسطهم، وتبقي مؤمنة إن ربنا فعلا بيعمل الخير، وكان عندي إيمان إن ربنا أكيد عارف حاجة علشان كده حصل كذا”.
والجدير بالذكر أن هنا الزاهد شاركت مؤخرًا في فيلم فاصل من اللحظات اللذيذة مع الفنان هشام ماجد، وشارك بجانبهما العديد من الفنانين ومن بينهم: محمد ثروت، طه دسوقي، جان رامز، بيومي فؤاد، وغيرهم من الفنانين، والعمل من تأليف شريف نجيب وإخراج أحمد الجندي.
كما يذكر ايضا ان الفنانة هنا الزاهد أعلنت انفصالها عن زوجها السابق الفنان أحمد فهمي في نوفمبر من العام الماضي، بعد زواج استمر 4 سنوات.
وكتبت عبر صفحتها على Instagram: “الحمد الله تم الانفصال بيني وبين أحمد بعد 4 سنين جواز وربنا يكتب لكل واحد فينا الخير”.
