كاتبة مصرية : بعد مصيبة طالبة جامعة المنصورة مش هسكت لحد بيقلل من معاناة المرأة المصرية

desk1آخر تحديث :
كاتبة مصرية : بعد مصيبة طالبة جامعة المنصورة مش هسكت لحد بيقلل من معاناة المرأة المصرية

نشرت الكاتبة المصرية والناشطة النسوية ميرنا المهدي على صفحتها بالفيسبوك منشورا يدافع عن حقوق المرأة في مصر ويحذر من التهاون أو التهوين منها ولو على سبيل الهزار وجاء ما نشرته على النحو التالي

ميرنا المهدي
بعد مصيبة طالبة جامعة المنصورة مش هسكت لحد بيقلل من معاناة المرأة المصرية ولو على سبيل الهزار.
نيرة أشرف أتدبحت في الشارع زي ما في مواطن الله يرحمه أتدبح في الإسماعيلية من فترة على مرأى ومسمع من الجميع ولكن الفرق أن الكل أترحم عليه وأتمنى اللي دبحه يتعدم، أما في حالة نيرة شوفت كلام قذر كان أفظعه أن القاتل كان المفروض يعتدي عليها جنسياً أولى من الاكتفاء بذبحها وكومنتس كتير فيها إلقاء لوم على لبسها وعلى شكلها ورمي عيلتها باتهامات التسيب فقط لأنها مش محجبة وربما تكون هى اللي تلاعبت به ووصلته لدبحها!
طالبة زي الورد أتدبحت فقط لأنها رفضت عريس مهووس بها ولسة برضو بتلقوا اللوم على الأنثى؟
يلا نضحي بالإنسانية والدين والقانون والتحضر عشان ابننا الدكر يطلع على حق وندوس على ضحايا التعنيف في سبيل ذلك.
الكومنتس مقرفة ومقززة وتوجع القلب وتقلب المعدة. أتمنى كل واحد يرمي كلمة مؤلمة من دول، ربنا يعيشها له عشان يدوق مرارة كلامه.
ربنا يرحمنا برحمته ويرجع لنيرة حقها.
error: Content is protected !!