الرئيس السيسي يفتتح اليوم مشروع مستقبل مصر للإنتاج الزراعي

desk1آخر تحديث :
الرئيس السيسي يفتتح اليوم مشروع مستقبل مصر للإنتاج الزراعي

مشروع مستقبل مصر

كتبت/هبه هشام

يفتتح الرئيس عبد الفتاح السيسي، صباح اليوم السبت، مشروع مستقبل مصر للإنتاج الزراعي، وصل الرئيس عبدالفتاح السيسي، صباح اليوم السبت، مقر افتتاح مشروع مستقبل مصر للإنتاج الزراعي.

ويساهم مشروع مستقبل مصر فى مواجهة التحديات الطارئة التي نتجت عن التغيرات الإقليمية والعالمية، وذلك فى ظل اعتماد مصرى كامل على عملية الاستيراد فى مجال الحبوب وبنسب متفاوتة فى كل سلعة، وذلك قبل أن تتحرك الدولة فى مسار مشروع مستقبل مصر وتوشكي وغيرها من المشاريع العاملة فى القطاع الزراعي، والتي ستقلل نسبة العجز بنسبة كبيرة للغاية، ومن المتوقع أن تنتهى عملية استيراد السكر بحلول عام 2024، بالإضافة لسلع أخرى ستقل تدريجيا ومنها نسبة كبيرة سيتم الاكتفاء الذاتي فيها بحلول عام 2024.

أكد الرئيس عبد الفتاح السيسي، أن حجم النمو الموجود داخل الدولة لا يناسب حجم النمو الزراعي، قائلا: “نسعى لتوفير الإنتاج المطلوب، وقولت قبل كده لو كان عددنا 40- 50 مليون شخص كان الإنتاج يكفي ولا نحتاج إلى الاستيراد.. حجم النمو السكاني لا يتناسب مع حجم النمو على مدار السنين اللي فاتوا.. الكلام اللي بنعمله ده تكاليفه ضخمة جدا.. نقاش هنا.. بتتكلفوا هنا.. وهرد عليك واقولك عندك بديل تاني.. ده فرص عمل.. وكل فدان يشغل قد إيه؟.

وأضاف الرئيس السيسي، خلال كلمته في افتتاح مشروع “مستقبل مصر” للإنتاج الزراعي: “الدراسات بتقول إن فيه محافظات من أكثر الاحتياجات.. طب أنا اعملك فرص عمل تيجي تشتغل هنا.. وترجع بقرشين تصرف على البيت.. الهدف مش بس تلبية الطلب.. كمان اوفر فرص عمل.. وممكن اعمل معاها تصنيع زراعي.. استفيد من المنتج أكبر استفادة ممكنة.. إحنا بنتكلم عن زراعة 60 ألف فدان.. دي حكايات وبشرح عشان أوصل الحكايات لينا.. اللي معرفش يعرف.. واللي مش متعلم يتعلم.. أنا بقول كلام صعب.. اللي مش متعلم يتعلم.. يعرف يعنى إيه بلد.. الـ100 مليون على أرض مصر مش عايشين كده .. كل موضوع وراه حكايات كبيرة أوي”.

قال الرئيس عبدالفتاح السيسي، إن تكلفة الزراعة فى مشروع مستقبل مصر أعلى بكثر من أي مكان فى الدلتا، مشيرا إلى تكلفة زراعة الفدان تصل ما بين 200 إلى 300 ألف جنيه للفدان، معلقا:”دي أسعار من سنتين ثلاثة، يعنى المليون فدان دول يخشوا في 250 مليار جنيه”.

وأضاف الرئيس عبدالفتاح السيسي، خلال افتتاح مشروع مستقبل مصر للإنتاج الزراعي، معانا مستثمرين واعلام وأجهزة الدولة مهم قوى نبص على ده ونتكلم، كلامنا أن إحنا منقدرش نستنى لغاية سنة 2024، يمكن نضغط على نفسنا علشان الظروف اللي إحنا شايفينها”.

وتابع: يهمنا كمصريين نبقا شايفين ده وشايفين تطوراته وأهدافه.. مقدرش أكون مطمئن لو تجاوزت 23 فى مستقبل مصر غير اللي في توشكى وبنى سويف واللاهون وغيره، ليه بنقول كده حتى لو هنضغط”.